Rauthla, September 13, 2022 : Sawrkar laipui dawra New Delhi-a cham mek Minister Dr. R. Lalthangliana chuan nimin khan Union Human Resources Development & External Affairs Minister of State Dr. Rajkumar Ranjan Singh chu a pisaah hmuin Mizoram University-Southern Campus, Lunglei a din tura sawrkar laipuiin kum 2020 January thlaa notification a lo tihchhuah tawh chu chak taka hmalak pui turin a ngen.
Minister hian Union MoS hi RUSA chungchangah India ram puma harsatna lian tak an tawh dan leh a nghawng awm theite a sawipui bawk a, RUSA-3 hi rawn kalpui leh ngei tura ngenin, Dr Rajkumar hian uluk taka a lo enzui tur thu a sawi a ni.
Union Commerce and Industry Minister Piyush Goyal hova vawiina Board of Trade meeting neih turah Dr R. Lalthangliana hi a tel ang a, hemi zawh hian Bangladesh High commission tlawhin an hotu pawimawhte nen border trade chungchang an sawiho ang.
Post a Comment