Lawngtlai, September 15, 2022 : Central Young Lai Association chuan tunlaia ruihhlo hluar nasat lutuk avanga chhungkaw tam tak tawrhna leh harsatna tawh chu pawi an tih thu sawiin, heng ruihhlo do tur hian theihtawp a chhuah dawn tih an sawi.
CYLA chuan nimin khan thuchhuah siamin, tunlaiin Ruihhlo (No. 4) a hluar hle tih sawiin, ruihhlo ti thar pawh an tam hle a, khawtlangah ruk ruk leh sualna a pung nasa tih sawiin, heng ruihhlo do tur hian CYLA Drugs Reduction Squad (CDRS) an din thu sawiin, Branch YLA ten en thawh hoin ruihhlo ti rem turin theihtawp chhuahin, tan an la mek tih an sawi.
Ruihhlo do kawngah Kohhran mipuite nen tanrual a ngaih thu sawiin CYLA chuan, ‘Ruihhlo dona kawngah tum lawk miah lova kut inthlak te leh harsatna hrang hrang thleng thei a nih avangin YLA nga Ruihhlo kan dona kawngah Lawngtlai District mipuite leh Kohhran zawng zawngte hnenah CYLA chuan in mi thawhpui tawngtaina kan ngen a ni’ an ti.
Ruihhlo avanga khawtlang leh chhungkuain harsatna a tawh mek leh ruihhlo bawia tang mekte tisa leh thlaraua chhanchhuah an nih theihna tura CDRS leh Branch YLA hmalakna te chu thlawp tur leh ruihhlo ngaite sim tir tur hmalakna leh a zuartute man chhuah kawnga tanpui turin CYLA chuan lawngtlai District mipuite an sawm bawk a ni.
Post a Comment