Lawngtlai, September 7, 2022 : Lawngtlai Police ten Pi Lalramengi, AOC Veng, Lawngtlai dawr, Chandmary Veng, Lawngtlaia awm rawktu nia rinhlelh an man.
Hemi chungchanga vawiina Superintendent of Police, Lawngtlai Pu Rakesh Paweriya, IPS in thuchhuah a siam danin, Pi Lalramengi, AOC Veng Lawngtlai hnen atangin Chandmary Veng, Lawngtlaia a dawr chu mi tu tih hriat loh ten September 5, 2022 zan khan an rawk tih thu Lawngtlai Police Station-in an dawng a, report hi Lawngtlai Police ten bawhzui nghalin, nimin khan a hmunah an kal a, dawr chhunga steel almirah pathum, Rs. 23,500 man hu vel chu tihchhiat a ni. Hemi chungchangah hian thil tisualtu nia rinhlelh Lalhlimpuia (23) s/o Malsawmsanga, Chandmary Veng, Lawngtlai chu man niin, a kut atang hian Bluetooth Speaker, Rs. 1,500 man hu man sak a ni bawk. Lalhlimpuia hi thilsial tithang tak a ni tih hriat chian sa a ni.
Lalhlimpuia hi Lawngtlai Police Station Case No. 30/22 Dt. 06.09.2022 U/S 457/380/427 IPC ziah luh nghal a ni a, District Jail, Lawngtlaiah dah a ni.
Post a Comment