Lawngtlai, September 20, 2022 : Lawngtlai Police te chuan vawin, September 20, 2022 khan an thu dawn bawhzuiin BSNL Copper Cable ru tu nia rinhlelh mi pathum an man.
Lawngtlai Police te hian Junior Telecom Officer BSNL, Lawngtlai hnen atangin BSNL Copper Cable 70mtrs vela sei HDFC bank bul leh 80mtrs bawr vel leh Central YLA Hall bula 150mtrs a sei, a vaia cheng 46,926 man chu misual rukru tu tih hriatloh ten an ruk bo thu leh hei hian Lawngtlai khawpui chhung hmun hrang hranga an service landline leh broadband a tihbuai thu leh harsatna mipui te tan nasa taka a siam thu an dawng a. An thudawn hi Lawngtlai police te chuan bawhzui nghalin, BSNL Copper hrui ru tu ni ngeia an rin, Lalhmahruaikima (21) s/o Thlathanga New Vengpui, Lalthanpara Sailo (35) s/o Lalbiaktkuanga AOC Veng Lawngtlai leh Sangkunga (37) s/o K. Kaphranga(L) L-III te chu an thil ruk thenkhat BSNL copper hrui te nen an man.
Heng mite hi an chungchang thu ngaihtuah tura hmalak mek niin, an thil sual tih avang hian Lawngtlai PS Case no 38/22 Dt.20.09.22 U/s 379/427/34 IPC ziahluh nghal a ni.
Lawngtlai District Police chuan ram leh hnam hmasawn nan hian tunlai khawvel thang chho zelah inbiakpawhna tha leh chak kan mamawh tih sawiin, hetia kan ram in hma sawn tum a Sorkar department hrang hrang ten hma an lak mek lai hian misual awm tha duhlo ten kan ram hmasawnna tithuanawp zawngin mipui vantlang/zirlai te hmasawnna tibuai zawngin thil thalo an ti thin an ti a. Hei hi Lawngtlai Police Department te chuan tha thlah lo in kan do zel dawn a ni, tiin vawiin khan thuchhuah an siam.
Post a Comment