Lawngtlai, September 29, 2022 : Lawngtlai District Jail Inspection team te chuan Principal Magistrate Pi Lalthansiami Hnamte hoin vawiin khan District Jail Lawngtlai an tlawh a, kum 18 hnuai lam tang an awm lo tih an finfiah.

District Jail Inspection Team-in District Jail an tlawhnaah hian tan ina tang mekte nen inkhawmna hun tha tak an nei a. Tang mekte hian an hriselna dinhmun pawh a that thu an lo hrilh.

Pi Lalthansiami Hnamte chuan, tang mekte ah naupang kum 18 hnuailam an awm leh awmloh finfiahna neiin, helai hnuna awm ten mamawh an neih ang an thlen te lo ngaihtuahpui a tum thu a hrilh bawk.

Dr. David V. Khiangte, Member JJB pawhin, Jail-a hmuna an awm mekte  chu an sual em em bik vang anih loh thu te, thil tisual palh an nih thu leh helai hmuna a awmchhunga rilru siam a, a țha lam hawizawnga abnun hmang chho turin a fuih bawk. 

Tang mek tena an mamawh an thlen zing ami Lehkhabu leh Volleyball pawh an ngaihtuahsak tur thu Inspection Team te hian an hrilh bawk.

Pi Lalthansiami Hnamte, Principal Magistrate hi Dr. David V  Khiangte, Member, JJB bakah K. Lalliantluanga Legal-cum-Probation Officer, DCPU Lawngtlai leh B. Hromana, Social Worker, DCPU Lawngtlai te’n an  tawiawm a, Pu Hratliana, District Jail Superintentent leh Jail duty te’n an lo dawngsawng. Tun dinhmunah District Jail Lawngtlaiah tang mi 52 an awm mek bawk a ni.

Post a Comment

Powered by Blogger.