Lawngtlai, September 29, 2022 : Ni thum awh tur LADC hnuaia hnathawktu hrang hrangte tana Personnel & Administrative Reforms Wing, LADC leh Staff Association te tangkawp buatsaih training chu vawiin khan LADC Hall-ah tan a ni.
Training hawna inkhawm tawiah Pu V. Zirsanga, Chief Executive Member, LADC chuan thusawiin, Training-a lo kal te chu hriatna leh thiamna an neihte chu thatak leh taima taka hmang tur leh nitina in zir belh zelin, rinawm taka thawk zel turin a chah a. Thawktute chu mahni mihringpuite lakah leh thawhpuite laka hawihhawmna lan tir thin tur leh midangte tana thawhpui nuam nih tum zel tur in a chah bawk a ni.
Training hian September 29, 30 leh October 3, 2022 thleng a awh dawn a. Vawiin hian Bill Assistant leh Cashier ten training an nei a, naktukah kum 2010 hnulam LDC lak ten training an nei veleh ang a, a tuk leh, October 3, 2022 ah UDC leh Assistant ten traing an nei veleh ang.
He training-ah hian Pu T. Chalnghingluia, Art & Culture Officer, Pu T. Lalhriattpuia, Under Secretary (Finance) Pu Thansiama Lawtlai, Under Secretary (GAD) ten zirtirna an pe dawn a ni.
Post a Comment