Lawngtlai, September 9, 2022 : Nimin khan Lawngtlai DC Pu Amol Srivastava hovin a office chamber-ah District Health Action Plan (DHAP) ruahman thlirho a ni.
District Health Action Plan (DHAP hi hriselna lama tehfung thlan chhuah (Key Performance Indicator) 9 atanga teha India rama district hnufual bikte'n hriselna kawnga hma an sawn theih nana kawngkal neia hma lakna tur ruahmanna duang tura sawrkar laipui thupek anga Lawngtlai District-a hma lakna tur ruahman a ni.
He hunah hian District Administration leh Medical lam official-te an tel a. Senior Medical Officer Dr S. Thaizi chuan District Health Action Plan chu pharhin, hun bi tiam chhunga kawngkal neia hma lakna tur ruahman chu a taka kalpui theih dan tur sawi ho a ni.
Hriselna kawnga hmasawnna tehfung zingah hian nuin nau a pai laia damdawi lam enkawlna a dawn ?hat dan te, damdawi in ngeia nau nei tam lam te, hri danna pek that dan te, naupang hriselna kaihhnawih te, TB Index leh District chhunga Health & Wellness Centre dinhmun te a tel a ni.
Post a Comment