Rauthla, September 9, 2022 : Vaseikai khawtlangin tun hnaia Myanmar inkahna avanga Mizoram chhim lam ramri depa Myanmar mi raltlan awm te hnenah tanpuina thahnem tak an pe.
Vaseikai YLA, VC, Mok dawrkai leh khawtlang ten September 6, 2022 khan meeting neiin, Myanmar ramchhunga inkahna avanga Mizoram chhunga Myanmar mi raltlan te chu a theih anga tanpui nise tiin an rel a. An thurel bawhzui hian nimin khan Vaseikai khawtlang hruaitute hian Zochachhuah, Laitlang, Hmawngbuchhuah, Model Village- a Myanmar raltlan te tanpui nan Buhfai bag 69, Alu bag 3, Dal bag 1, Purunsen bag 2 Chi bag 8 leh chawhmeh dang thahnem tak an pe.
Post a Comment