Lawngtlai, September 28, 2022 : October ni 1 atanga ni 8, 2022 (Ni sarih chhung) chhunga Lawngtlai District a Faina Hapta hman dan tur relin nimin khan DC Conference Hall-ah District Bawrhsap Pu Amol Srivastava, IAS hovin thutkhawm neih a ni.

Pi. TT. Beikhaizi, MCS. SDO (Sadar) Lawngtlai kaihhruai thutkhawmah hian Faina Hapta (Cleanliness Week) hi Lawngtlai khawpui chhung bikah, October ni 1, 2022 zing dar 7:30Am ah Chandmary Square, Lawngtlaiah hawnna (Opening) neih nise, tiin, meeting chuan a rel a. Khuallianah Dist, Bawrhsap Shri. Amol Srivastava, IAS hman nise, tih a ni bawk.  

October ni 1, 2022 (Day 1) zinga Hapta hawn anih rual hian, khawpui chhung veng tin ‘VC area’ ah te, Faina hnatlangpui (Mass Cleanliness Drive) he mi ni hian hman zui tha tih a ni a. Faina Hapta hawnna inkhawmah hian, mipui kalkhawm hmaah Bawlhhlawh sawngbawl dan/thliarhran dan entirna (Demonstration) neih a ni ang. 

October ni 3.2022. thawhtanni (Day 2) ah ‘Door to door campaign on Waste Segregation’, chenna In, Dawr, Sorkar Pisa ahte kalin, bawlhhlawh thliar hranna campaign neih tur a ni a. Faina leh thianghlimna chungchang Posters, Leaflets, etc. semchhuah tur a ni. 

Ruahman lawk ang chuan, October ni 4 (Day 3) ah Zirna In, Bazar, College ah te, bawlhhlawh thlir hran dan inzirtirna neih tur a ni a. October ni 5 ah bawlhhlawh paihna hmun tlawh a ni ang. October ni 6 (day 5) ah khawpui chhung veng tin VC area ah ‘Town-Wide Announcement’, Aurinna hmanga bawlhhlawh thliarhran leh fai tura inzirtirna lam hawi neih tur a ni a. October ni 7 (day 6) ah mipui vantlang mit hmuh leh mipui tamna hmunah te, bawlhhlawh thliarhrang tura bawlhhlawh bawm (Twin bin) hun leh inzirtirna lam hawi neih tur a ni.

October ni 8, 2022 (day 7) ah Faina Hapta kharna hi ‘Areopagi, Lawngtlai bazarah’ @ 7:30Am neih tur a ni a. He hunah hian khuallian atan LADC, CEM sawm a ni ang. 

Areopagi a Faina Hapta kharna inkhawm ah hian, Bawlhhlawh Bawm sem a ni dawn a, bawlhhlawh thliarhran kawnga hma la thate hnenah lawmman sem tur a ni. Kumin October ni 15 atang hian khawpui chhungah bawlhhlawh thliarhran tan tum a ni. 

Faina Hapta (Cleanliness Week) hi India hnam Pa Mahatma Gandhi piancham phaphak puala October thlatira hman thin a ni. 

Post a Comment

Powered by Blogger.