Lawngtlai, September 10, 2022 : ṬKP Lawngtlai East Pastor Bial ten an bial chhung veng paliah khawthlang tihfai hnatlang an nei.
An bial rorel angin Vantlang tana thiltha tih ni hmangin, ṬKP Lawngtlai East Pastor Bial hian vawiin khan Lawngtlai Vengpui, New Vengpui, Bazar Veng leh Council Veng huam chhunga hmun thlanbik tifaiin hnatlang an thawk.
Tawklinga Point, New Vengpuiah hnatlang thawh hmain hun tawi hman a ni a, Bialtu Pastor Rev. Lalzarliana Khiangte in hunserh hmangin, bialtu Pastor chuan, thalaiin khawtlang faina kan vei chho zel chu a lawmawm hle a ni a ti a. Kum tinin hetiang thil hi tih nise a duh thu a sawi bawk. Hemi hnu hian hmun hrang hrangah insemin vengchhung tihfai hnatlang thawh chhunzawm a ni.
Vawiin hnatlang thawkchhuak hi mi 120 vel an ni a. ṬKP Lawngtlai East Pastor Bial huam chhungah hian Unit 5 an awm a ni.
Post a Comment