Rauthla, August 9, 2022 : YLA Sub-Hqrs; Sangau chuan vawiin atangin Myanmar leh Mizoram inkalpawhna (Bungtlang - Sangau Via Tuipui) chu thuleh awm hma atan an dang ping dawn. 

YLA Sub-Hqrs; Sangau ten nimina thuchhuah an siamah, Auguts ni 3, 2022 a an remruatnaa South Lungpher  YLA Branch ten  Pu K.Lallungkhama hnen atanga Heroin No.4 an man chungchang chu chhui zui zelin, Myanmar atanga ruihtheithil rawn petu man turin CDF an ngen a. An ngenna ngai pawimawh hian CDF te hian ruihtheihthil supply tu hi an man a ni.

Hemi hnu hian YLA Sub-Hqrs; Sangau te hian  CDF te hnenah  hian an mi man chu Pangkhuaa rawn hruai tur leh a hnen atanga thu pawimawh hriat an duh thu an sawi a, CDF nen hian inbiakremna neih a ni. 

An thu bawhzui hian nimin khan YLA Sub-Hqrs; Sangau te hi Pangkhuaah an kal a, CDF lam pawh an mi man nen Bungtlang thleng rawn kalin, YLA Sub-Hqrs; Sangau ten Pangkhuaah tlai dar 3:30 thleng an nghah hnuah CDF lam hian an thu zuk lehin, Tuipuiah YLA Sub-Hqrs; Sangau te chu kal turin an hriattir a ni a, an kal loh a nih chuan an mi man chu an kri pui leh dawn tih an hrilh bawk.

YLA Sub-Hqrs; Sangau  chuan CDF ten an thu an zuk leh mai hi YLA te zahlohna leh ngaih pawimawh lohnaah an ngai tih an sawi a, an lungawi lo takzet tih an sawi.

Hei vang hian YLA Sub-Hqrs; Sangau chuan Myanmar leh Mizoram inkalpawhna (Bungtlang - Sangau Via Tuipui) chu vawiin atangin thuleh awm hman atan danpin an rel ta a ni. Hetih chhung hian Tuipuia Lawng pawh a hman theih loh tur thu an sawi. 

Post a Comment

Powered by Blogger.