Lawngtlai, August 01, 2022 : Lawngtlai East bialtu MLA Pu H. Biakzaua chuan ‘tuna a lan danah chuan MNF lo chu sawrkar tur an awm lo, Congress hi chu Central lamah a tui a kang chat tawh a, sawrkar leh turin a har hle ang. ZPM ni se leader nihna inchuha buai em em, kohhran kan unit titute party ZPM hi sawrkar na siam turin an indaih lo, an phai mek zel a ni’ a ti.

July 29, 2022, Zirtawpni khan Pu H. Biakzaua chuan Mizo Hnam run, Lawngtlai Bazarah thu sawiin, MNF party chu  thli tleh leh engemaw avang te hian a tlu ngai lo a ti a. Chu chu thawhhona tha kan neih vang a ni, a ti a. Principle nei party a taka hnathawk mi anihna hi Mipuiten an hria a, belhtlak ah ngaiin, mi engemaw zat chhim leh hmar, chhak leh thlangah kan inlawmlut mek zel a ni, a ti.

MNF party chu hnam tana inpe ralrak ngam, thisen far tawp thlengin aw, tia nun thap ngam, Leadership nei tha, a taka ram leh hnam hmangaihtu kan nih avangte hian kan sawrkar leh ngei dawn a ni, a ti bawk.  

Post a Comment

Powered by Blogger.