Lawngtlai, August 01, 2022 : Lawngtlai Bawrhsap Pu Amol Srivastava hovin a July 29, 2022, Zirtawpni khan office chamber-ah District Rural Development Agency (DRDA), Lawngtlai kal tlanga Lawngtlai District chhunga sawrkar laipui ruahmanna hnuaia hmasawnna hna thawh hrang hrang dinhmun leh hlawhtlinnate thlir ho a ni.
He hunah hian DRDA Project Director Pi Marilyn Rualzakhumthangi bakah, Additional DC, BDO Lawngtlai, Accounts Officer DRDA leh DIPRO Lawngtlai te an tel a. Tui humhalh leh renchem beihpui thlak nana Amrit Sarovar hnuaia hma lakna kalpui mek te, ni za inhlawhna (Mahatma Gandhi National Rural Employment Guarantee Act) chungchang te, thingtlang mite tana chenna in saksakna (Pradhan Mantri Awaas Yojana-Grameen) chungchang te, thlai chin theihna tura lui kam leh ram ruak buatsaihna (Pradhan Mantri Krishi Sinchayee Yojana Watershed Development Component 2.0) chungchang te, North Eastern Council (NEC) a?anga Special Development Fund (SDF) hnuaia hmasawnna hna thawh chungchang te thlir ho a ni a. He'ng scheme hrang hrang hnuaia hma laknaa District dinhmun, harsatna awm mek leh a chin fel dan tur te, hmachhawp leh hma lakna tur ruahmanna te sawi ho a ni.
Post a Comment