Rauthla, August 3, 2022 : Nimin tlaia Sairang Sihhmui kaia lirthei chesualah mi pahnih an thi a, midang pahnihin hliam an tuar. Lirtheiah hian mi pali an chuang nia thudawn a ni a. An zinga mi pahnih Lalfakzuala Chenkual (39) leh a fapa Malsawmkima (10) Chaltlang Lily veng ve ve te an thi a, an ruang zawn mek a ni.
Midang pahnih Lalngaihawma leh Mano Lalrinhlua Chaltlang Lily Vengte chuan hliam tuarin Sairang PHC panpui nghal an ni. Chaltlang Lily Veng YMA President Pu Vanlalthanga sawi danin lirthei hi kawng atanga tlan liamin luiah a tlalut a. Chetsualnaa thite ruang hi tukin thleng khan hmuh ala ni lo a. Tunah hian ruang zawn hna thawh chhunzawm mek a ni a, Sihhmui, Sairang Dinthar leh Sairang Branch YMA te ruang zawn hna hi an kalpui mek a ni.
Chesualte hi Tlawnglui Lengte kai atanga a chhak lawk, Lengte ram lama Daifim Picnic Spot-ah inti hlimin, an haw lam chu Venue Car-in helai hmunah hian an chesual ta a ni.
Post a Comment