Rauthla, August 3, 2022 : Power & Electric Department chuan mipui ten office emaw counter pan kher lova electric bill online-a pek theihin a siam fel leh tawh tih an sawi a, chutihrual chuan online a bill pek chungchangah Whatsapp lama bill pekna link siam thin te lakah mipui te fimkhur turin an duh.
Power & Electric Department chuan, BBPS agent hrang hrang GooglePay (GPay), PhonePe, PayTM, BHIM etc. hmang tn a pek theih a ni tih an sawi. Hetihrual hian mipui te bum tuma SMS hmanga thu theh darh leh Whatsapp lamah pawisa pekna tur link dil kual an awm thin tih hriat a nih thu leh heng hi department lam atanga tihchuah a ni ngai lo, an ti.
F.Lalrinpuia, E-in-C, P&E chuan online payment chunghchangah thuchhuah siamin, "Mipui te hetiang kawnga fimkhur turin kan inhriattir. SMS kan dawnna number te lo block zel tur leh, pawisa pek na tur link an lo thawn te lut lo turin leh a thawntu number chu P&E Department a thawktu number 7832871956, 8575517333 leh 9436141511 te hnenah hian a rang lama hriattir turin kan ngen," a ti.
Online-a electic bill pek te system-ah a luh leh luh loh enchhuah nan bank transaction detail mamawh thin a ni, an ti a, number tarlanah te hian thawn a him tih an tarlang.
Post a Comment