Rauthla, August 17, 2022 : MZP Sub-Headquarters Lungsen chuan Gov't Lungsen High School a Mathematics leh Science zirtirtu sawn chhuah chungchanga an hmalakna kal zelah an hun tiam chhunga sorkar hmalakna an hriat loh avangin niminatang khan tiam chin awm lovin zirlai naupang sikul kal tur an dang.
Zirlaite an dan chungchanga thuchhuah an siamah MZP Sub-Headquarters Lungsen chuan Govt Lungsen High School a reqular teacher, Mathematics leh Science zirtirtu te sawn chhuah a nih chungchangah a changtu Minister leh Director hnenah Kumin July ni 28 leh August ni 8 a an thu thlenin awmzia a awm tak loh avangin hreh tak chungin an thil phut tih hlawhtlinna atan school kal tur dan chu an kal tlangpui tih an sawi a, zirlaite hmakhua ngai a Govt Lungsen High School in harsatna a tawh mek chu sawrkar in chinfel sak thuai se an duh thu an sawi a. Heng an hmalakna te hian awmzia a neilo a nih chuan na zawka hma lak zel an tum tih an sawi bawk
Mathematics leh Science zirtirtu te sawn chhuah an nih chungchangah hian MZP Sub Hqrs Lungsen chuan kar kalta ningani ah Zirtirtu transfer order an lo hal tawh a, khami tum khan High School Headmaster kaltlangin Sawrkar ah ngenna an thehlut nghal a. August ni 15 thlenga sawrkar an ngaihchan tur thu leh thu lawmawm an hmuh loh chuan tiam chin awm lova School khar an tum thu an lo sawi tawh a ni.
Post a Comment