Lawngtlai, August 17, 2022 : Lawngtlai District Administration-in National Scheduled Tribes Finance and Development Corporation (NSTFDC) atanga Lawngtlai District-in hriselna kawnga a mamawh phuhrukna tura Ambulance an dil chhuah chu Lawngtlai Bawrhsap Pu Amol Srivastava leh Chief Medical Officer (CMO) Dr LP Malsawma te chuan Bungtlang 'S' PHC-a dah atan nimin khan Bungtlang 'S' BDO Pu Hmingmawizuala leh Bungtlang 'S' Medical Officer Dr Lalsanglura Chhakchhuak te kutah an hlan.
NSTFDC atanga Ambulance dawn hi kumin March ni 1 khan Bawrhsap chuan CMO kutah hlanin, CMO hian a enkawl a. Bungtlang 'S' BDO leh MO te'n an bial chhunga hriselna dinhmun leh an mamawhte an rawn thlen angin Lawngtlai Bawrhsap leh CMO te chuan Ambulance hi Bungtlang 'S' PHC-a dah turin ruahmanna an siam a. Nimin khan an inhlan ta a ni.
Ambulance inhlan chhawnna hun hi Lawngtlai Bawrhsap office kawtah hman niin, he hunah hian Additional DC Pu James Miahlung pawh a tel.
Post a Comment