MIZO NATIONAL YOUTH FRONT
District Headquarters; Lawngtlai
PRESS RELEASE
MNYF Dist. Hqrs; Lawngtlai/PR - 1 of 2022
Dated Lawngtlai the, August 23, 2022
Mi hmangchang hria Lawngtlai East Bialtu MLA Pu H. Biakzaua kan nei hi a vanneihthlak hle a ni - Pu V. Zirsanga, CEM LADC
Vawiin, August 23, 2022 hian Pu V. Zirsanga, Chief Executive Member LADC chuan CYLA Playground-a MLA Lawngtlai East Cup Final Round hawnna chu khuallian niin a hman pui a. Pu V. Zirsanga chuan, 'Hmasawnna hi kawng tin rengin kan hmu chho mek zel a. Kan awmna kilkhawr deuh mahse, hmasawnnain min kalkan thei lova. Kan hruaitute'n chu hmasawnnaa kan tel ve theihna turin LDFA hruaitute'n theihtawp chhuahin hma an la a, chu an hmalakna chu a hlawhtlin theihna tura mi hmangchang hria Lawngtlai East Bialtu MLA Pu H. Biakzaua kan nei hi a vanneihthlak hle a ni, a ti.
Khawvelin Infiamna hrang hranga a ngaihsan leh ngaihhlut ber chu football hi a ni a. Infiammite hian hlawhtlin tak tak kan tum anih chuan, tih tak tak na nei a, tan kan lak a ngai a ni, a ti. He khawvelah hian ti tak tak tu te tan hlawhchhamna hi a awm lova, thinlung taka beitute tan chuan eng kawngah pawh hlawhtlinna hi a awm a ni, tih Infiammite hian kan hriat a tha hle a ni, a ti bawk.
Infiamna khawvela hlawhtlinna chang tur chuan ruihhlo laka inserhhran a ngai a. Ruihhlo ti te tan hmasawnna leh hlawhtlinna kawng a inhawng lo tih kan hriat nawn fo a ngai a ni, a ti. Mi ropuite chanchin tam tak kan hriat hi duh tawk lova, an sual chhuah dan kawngte hi zir a, retheihna hi inhneh tir tum lo tur a ni. An chanchin kan hriat hian chona min petu nise, hlawhtlin tuma huaisen taka ke kan pen a hun tawh tak zet a ni, a ti bawk.
Tunlai thalaite hian eng nge hlauh tur tih hi kan hriat a hun tawh a. Mahni nun pawh la duh hial Thalaite kan pung zel si a. Kan ram leh Hnam humhalhna leh siamthatna kawngah hian kan ram hian Thalaite a la mamawh belh zel dawn a, mahse, tunah chuan ruihhlo dawi at an pung zel si a. Chuvangin, Infiammite hian heng zawng zawng hi hneh a, midangte entawn thei tur leh phurna thar siam turin Inkhel mite chu chahin, champion turin team te duhsakna a hlan bawk a ni.
Thalaite hmakhua ngai a, thalaite tana insen hreh lo CEM Pu V. Zirsanga leh MLA Pu H. Biakzaua kan nei hi MNYF District Hqrs; Lawngtlai chuan lawmawm kan ti a, kan chhuang takzet a ni.
Sd/- H. Lalruatfela
General Secretary i/c Media & Publicity
MNYF District Hqrs; Lawngtlai
Post a Comment