Rauthla, August 21, 2022 : Vawiin khan Council Veng Defence Committee, YLA Council Veng Branch chuan tun hnaia an ruihhlo man te an hal ral.
An ruihhlo man te hi No.- 4 hawng 8 leh Rak zu fun 28 niin, Bazar Shed kawtah Council Veng VCP Pu T. Rosangpuia'n a hal ral. Heng ruihhlo zuartute leh a neitute hi veng dang mi vek an ni a, an veng YLA hruaitute hnenah hlan vek an ni,
Pu Eden Lalrammawia Chinzah, President, YLA Council Veng Branch chuan, tunlaiin Lawngtlai khawpuiah ruihhlo, a bikin No.- 4 a hluar thu a sawi a, Council Veng chhungah eng ruihhlo mah zawrh leh lakluh phal a ni lo tih sawiin, tiluia man an awm chuan an chungah hremna na tak lekkawh a ni ang a ti.
Post a Comment