Bungtlang S, August 5, 2022 : LADC a Arts & Culture EM Pu BN Thangpuia chuan nimina Bungtlang South Zone Football Association 1-Day Football Running Trophy Kick Off, YLA Playground Bungtlang South a neih a chu khuallian niin a hmanpui.
Arts & Culture changtu EM Pu BN Thangpuia chuan thusawiin, "vawiina kan player te hi Bungtlang South player chauh nilo in distict/state leh a chung lam zel ah pawh player in ni thei a, chutiang tur chuan duhsakna ka hlan che u a ni. Football leh infiamna lama thleng sang tak tak tur chuan ruihhlo a fihlim ngam nih a pawimawh hle a, mi insumthei lo tan chuan engkawngah mah thlen san na chance a awm lo, a ti bawk.
LADC a Sport EM leh Lawngtlai District Football Association (LDFA) President ni bawk Pu C. Hrangthianga pawn thusawiin, Football a hmasawnna kal zel tur tan rahbi pawimawh ber chu, mahni awmna zone-ah in register hi a ni a, chu chu kan tih mak mawh a ni, a ti a. Vawiina 1-Day football trophy in neihna turah hian inhruaituten engmah hlawh pawh neilo in mahni hna tul kalsan in an buaipui a, mi hnuaiah tlawm ngaih an dil a ni tih inhriat a, thuawih tak leh infiammi kan nihna rilru pu tlat chunga he hun hmang turin duhsakna ka hlan che u a ni, a ti bawk.
Nimin hun hmannaah hian Pu BN Thangpuia EM LADC leh khuallian ni bawk te, Sport EM leh LDFA President Pu C. Hrangthianga ten Bungtlang South Zone Football Association-te hi Football leh pawisa an hlan bawk a ni.
1-Day Football Running Trophy Kick-Off Bungtlang South Zone Football Association ten an buatsah hi President Bungtlang Zone Football Association Pu Hc Lalramenga'n a kaihruai a, hunserh hi Rev Ramnghakmawia BCM in a hmangin, Oath Taking hi Pu VL Ruatkima Honorary Secretary in a nei bawk.
EM te hi MNF Dist. Hqrs. Lawngtlaia Secretary Pu Rochhingpuia leh MNWF ten an tawiawm a ni.
Post a Comment