Lawngtlai, August 5, 2022 : Lai District Youth Congress Committee chuan LADC a MNF sorkar chuan hmannia LADC session neih atangin LADC an pawlsual a, mipui an rapbet an ti.
LDYCC chuan thuchhuah an siamah kum 2015-2020 chhunga Executive remtihna ang thlap a mimal hnena ram an lo pek tawh chu Executive remtihna a ni lo tiin an cancelled sak tih an sawi a, heng an cancelled ramah hian an duihsak zawng leh a ram leilung fa ni lo, CADC area-a awm te EM pakhat chhungte hnenah pek a ni leh tho an ti.
An sorkar hlimah Ngengpuikai Primary HeadmasterPothi Chindor chu Samagra School LPS Mizoram sorkar school enkawlah an dah mawl tawp a, a hnu lawkah he school a mi Zonunsangi, Primary Teacher chu Hmunnuamah sawn nin, kum khat em pawh a awm hmain Samagra School LPS ah bawk an dah leh tawp a. Hetianga council service-te council hnuai pawh ni loa an dah ta mai hi politic-a phuba lakna dik takah kan ngai a ti a. Heng mite hi deputation-a kal tir an ni lo tih sawiin, Hemi chungchang sawifiah turin CEM an phut tih an sawi bawk.
LDYCCchuan CEM in kan ram rorelna inpui berah ‘Dan leh dun zawngah chuan thuneitu ber kan ni a, tha kan tih angin kan rel mai a ni’ tia mahni inthiamlohna nei lo leh mipuite zahna nei miah lova a sawi chu mipuite hnenah thupha chawi turin an phut tih an sawi.
Session neih zawh taka a landanin MNF sorkar MDC leh EM ten Executive Approval leh Executive Committee pawh hre hrang lova, ram min kaihruai chu a zahthlak tih sawiin, Executive Power & Function pawh hre lo ram hruaitu kan nei chu a vanduai thlak a, kan ram leh hnam a him zawk nan bang ngam turin an phut bawk.
MNF sorkarin VC leh Tlangaute chhiahawl sum beitham tak awt a, an zahawmna an titawp duh chu VC te zahawmna rahbeh sakna a ni an ti a, a ngai anga kal leh turin sorkar an phut.
Post a Comment