Rauthla, August 20, 2022 : Tukin zing, August 20, 2022 khan Areopagy, Lawngtlai Bazar-ah Mizoram Cleanliness Competition, 2022 Sub-Committee buatsaihin Mizoram Cleanliness Competition, 2022 & Swachh Survekshan 2023 khuh hawnna neih a ni. He hunah hian Pu Lalropuia Chinzah, Executive Member i/c Sanitation Department, LADC chu khuallian niin, Lawngtlai mipuite faina leh thianghlimna kawnga hma kan sawn a, kan tanrual a ngai a ni, a ti. 

Pu James Miahlung, Addl. DC chuan he hun hi kaihruaiin, khawpui fai inelnaah hian mipui te'n mawhphurhna lian tak kan nei a. Chu mawhphurhna hlenchhuak tur chuan kan rilru inbuatsaih ila, khawpui fai leh thianghlim ni turin tan i la thar ang u, tiin kalkhawmte a sawm a ni.

Khuallian Pu Lalropuia Chinzah chuan, faina leh thianghlimna kawngah Ram mipuite kan tanrual a ngai hle a.VC te, NGO leh Kohhran ten kan hma zawnah theuh hma la tlang ila, kan thiam leh theih ang tawk zela hma kan lak chuan tun aia nasa lehzual hian kan khawpui hi a lo faiin, a lo thianghlim dawn a ni a ti a. Kan khawpui faina kawngah hian mitinin tih tur kan nei a ni tih hria ila. He khawpui fai inelnaah hian sorkar chauh ni lovin, ram mipuite hi kan tel ve a. Intihsiak kan nih tlat avangin chawl lova, tun aia nasa lehzual a tan la turin mipuite kan insawm tak zet a ni, a ti bawk. 

He hunah hunah hian Dustbin 13 sem a ni a, Lawngtlai Auto Rickshaw Onwer' Association hnenah 4, Lawngtlai Sumo Onwer's Association hnenah 2, Lawngtlai District Taxi Association hnenah 1, Lawngtlai District Merchant Association hnenah 3, AOC VC hnenah 1, Electric Veng VC hnenah 1 leh Satalh Association hnenah 1 te sem a ni a. Heng Dustbi te hi Lawngtlai East bialtu MLA Pu H. Biakzaua, Pu Lalropuia Chinzah, Executive Member i/c Sanitation Department, LADC leh Pi Marylin Rualzakhumthangi, Project Director, DRDA Lawngtlai te sponsor a ni.

Tukin zing hun hmannaah hian NSS Govt. Lawngtlai College, NSS GRHSS, Lawngtlai leh Eco-Club Downtown English School ten Placard hmangin Faina leh Thianghlimna hmanga thuchah tawi an ziah te an keng chhuak a. Hun hman zawh hian khawpui chhung kawtthler lunlai hmum thumah bawlhhlawh chhar hnatlang neih chhunzawm a ni bawk.

Post a Comment

Powered by Blogger.