Lawngtlai, August 31, 2022 : Lai Autonomous District Council-a CEM Pu V. Zirsanga chuan, hmangaihna mamawhte hnena hmangaihna pekte, beiseina nei lote hnena beiseina pek hi kan mamawh a ni a ti.
CEM Pu V. Zirsanga hian nimin khan Samagra Shiksha, Lawngtlai District te buatsaih, Programme on Distribution of AIDS & Appliances for CWSN chu LADC Hall-ah khuallian niin a hman pui a. CEM chuan, Samari mi tha rawngbawlna Samagra Shiksha, Lawngtlai District ten an chhunzawm chu ropui a tih thu sawiin, tanpui ngai naupang leh harsatbikna nei naupangte chhawmdawl hna, District Project Coordinator leh a thawhpui ten theih tawpchhuaha, hma an lakna chu a hriatpui thu sawiin, ropui a tih takzet thu a sawi bawk.
CEM chuan, naupangte chu beidawnga in dawmkun mai lo tur leh khawvel hmasawnna leh thiamna hrang hrangte chu hmang tangkai thiam a, an hmalam hun hi a thim zawng ni lovin a eng zawnga, beiseina nen thlir thin turin a chah bawk a ni.
Khuallian chuan he hunah hian Tarmit 97, Wheelchair 6, Crutch 5,leh Walker 1 te chu naupangte hnenah a sem ngal a ni.
He hun hi Pi R. Lalnunthari, District Project Coordinator, Samakra Shiksha Lawngtlai chuan kaihruaiin, Pi Elizabeth VL. Chhuangi, IE Samakra Shiksha, Lawngtlai chuan hmalakna report tlangpui a pe a, Pu H. Laltanpuia, Addl. District Project Coordinator chuan lawmthu sawina hun a hmang bawk.
He hun hi Pu F. Lalhmachhuan, Elementary Education Officer (MS) LADC leh Pi F.Hrangthanmawi, Elementary Education Officer (PS) LADC te bakah sawmbik engnge mawzatin an telpui.
Post a Comment