Lawngtlai, August 16, 2022 : Vawiin khan Central YLA hruaitute, Kumpuan hruaitute leh Lawngtlai Town Branch O.B te chuan Central YLA Office, Lawngtlaiah tunlaia Mizoram leh Lawngtlaia rawn hluar thar ruihhlo - Heroin No.4 leh zu chungchangah leh Non-Tribal chungchangah inkawmhona an nei.

Central YLA Vice President leh Kumpuan Chairman ni bawk Pu F. Lalrothanga kaihhruai inkawmhonaah hian Central YLA leh Branch YLA anga ruihhlo do kawnga hmalak dan turte leh Non-Tribal chungchanga hmalak dan tur sawiho niin, veng hrang hranga ruihhlo do dan report ngaihthlak a ni bawk.

Vawiina an thil sawiho te zingah hian Central YLA Executive Committee leh Branch YLA in a bawhzui tur a awm nual dawn a ni. He inkawmhonaah hian Town Branch O.B-te an tel áš­ha hle.

Post a Comment

Powered by Blogger.