Lawngtlai, August 15, 2022 : India ramin zalenna a hmuh champha phak vawi 75-na chu ram chhung hmun dang rualin vawiin khan Lawngtlaiah pawh urhsun takin lawm a ni a. A lawmna pui ber Central YLA Playground-a buatsaihah Sports & Youth Services Minister Pu Robert Romawia Royte chu Khuallian a ni.


Khuallian chuan Lawngtlai thla hnih leh a chanve chhung hrikai awm lova, tun hnai July 19, 2022 atangin hrikai an awm leh thu sawiin, mipuite chu fimkhur a, sorkar dan siamte zawm a, hri danna la vek turin a sawm a ni.

Lawngtlai District chhunga Myanmar raltlante tuamhlawm an nih chungchangah Khuallian chuan VC, YLA leh khawtlang mipuite chungah lawmthu a sawi bawk.

LADC hnuaia hmasawnna hnathawh mekah Vawmbuk Community Centre leh Lawngtlai daia Skill Development & Trainning Centre chu 95% thawh zawh tawh a ni tih sawiin, Lawngtlai Vengpuia Tribal Girls Hostel sak hna chu 85% thawh zawh a nih tawh thu a sawi. Kum 2021-2022 chhunga 15th Finance Commission Grants Fund leh Mizoram Finance Commission Local Grants atanga sum hmuh hmangin LADC huam chhungah VC 95 ah hmasawnna hna hrang hrang thawh a ni a ti bawk.

Sorkarin Lawngtlai District mipuite hriselna kawngah hma nasa tak a la tih sawiin, Lawngtlai District chhunga District Hospital 1, CHC 1, PHC 5, Sub-Centre 37 leh Clinic 12 a awm mek thu a sawi bawk. Tin Lawngtlai District Hospital-in a zawnin tum 4 District Hospital fai leh thianghlim ber lawmman a dawng chu a lawmawm thu a sawi bawk.

Health Worker training-na, ANM School chu Lawngtlai District-ah kum 2017 atangin kalpui tan a nih thu sawiin, batch 3 an zir chhuak tawh a, tunah hian batch 4 leh batch 5 ten an zir leh mek a. MNC exam result chhuak hnuhnung berah top ten-ah mi 4 an lan thu a sawi bawk.

Lawngtlai District chhunga Police Station 2 leh Out-Post 5 ten foot & mobile patrolling kalpuiin, hei vang hian kum 3 kalta nena khaikhinin dan bawhchhiatna pawh a tlem tih a sawi a, Excise & Narcotics, Lawngtlai hmalaknain ME Acts 1973 hnuaiah case 84 leh NDPS Acts 1985 hnuaiah case 11 ziah luh tawh a nih thu a sawi bawk.

Lawngtlai DRDA hnuaiah ni za inhlawhna MNREGA chu kum 2006 atangin Lawngtlai District-ah kalpui a ni a, tun dinhmunah District chhunga Job Card nei mi 36,026 an awm mek a, kum 2021-2022 chhungin ni 97 inhlawhna siam a ni a, kum 2022-2023 chhungin inhlawhna 32 siam niin, kum 2022-2023 hna hrang hrang 1366 thawh zingah hna 1000 chu thawh zawh tawh a ni.

Kum 2022-2023 chhungin SEDP hnuaiah khaw 176 a beneficiary 1524 te hnenah Vaimin chi kg. 30,480 sem chhuah a ni a ti a. Chhimtuipui Wildlife Division chuan Savawmmin a hliam mi pakhat hnenah zangnadawmna Rs. 76.776 an pek thute leh ramsain thlai a tihchhiatsak chhungkaw 9 te hnenah zangnadawmna Rs. 570,250 pek a nih thu a tarlang bawk.

P&E Lawngtlai Division hnuaiah customer 11,357 an awm mek thu sawiin, chawhrualin electric power 5.0 MW hman thin a ni a ti a. SASCE hnuaiah Chawnhu 33kV Sub-Station chu 132kV Sub-Station-a upgrade tura hmalak mek a ni a ti bawk.

Khuallian chuan KMMTTP kawngpui sial mek chu kumin chhungin a zawh hman a beisei thu a sawi a, km 87.510 a thui kawngpui sial mek hi kawng laih tur chin chu laih tlang deuh vek a ni tawh a, black topping pawh zawh thawkhat a ni tawh a, lei dawh tur 8 awmah 6 dawh zawh tawh a ni a ti bawk. Lawngtlai atanga Tuipui Ferry kawng km 10 a thui siamthat hna pawh NECID atanga thawh mek a ni a ti bawk.

DCSO Lawngtlai hnuaiah Ration card nei chhungkua 25,058 an awm mek a, Aadhar Card leh Ration Card linking hi 80% zawh tawh a ni tih a sawi bawk.

Khuallian chuan line department hrang hrang kal tlanga SEDP hnuaia hma lakna kalpui mek bakah, School Education; Commerce & Industries; Agriculture; Fisheries; Horticulture; Animal Husbandry & Veterinary; Sericulture; Public Works; Taxation; Transport; Food, Civil Supplies & Consumer Affairs; Social Welfare; Treasury leh Information & Public Relations department hnuaia Lawngtlai District chhunga hmasawnna hna thawh leh hma lakna hrang hrangte a tar lang bawk.

Khuallian Pu Robert Romawia Royte chuan Sports & Youth Services Department leh ICT department atanga Lawngtlai District tana sorkar hnathawh mek leh hnathawh tur sawiin, Lawngtlai District Sports Complex - Rs. 5019.43 lakhs senga sak tur chu awiin khan a sakna tur lungphum a ni, Lawngtlai Residential Sports School College Venga chu Rs. 3461.70 lakhs senga sak mek a ni a, zaa sawmsarih vel thawh zawh tawh a ni, Lawngtlai Govt. College Hostel – Rs. 282.80 lakhs senga sak ur chu Work order issue tawh a ni a, sak tan tum mek a ni, Lawngtlai Community Centre Chawnhuah Rs. 260.00 lakhs senga sak mek a ni, Lawngtlai Vengpui Astro Turf Football Ground – Rs. 1005.34 lakhs ruahman chu Contractor thlan fel tawh a ni a, hna hi a ground-ah tan lo mahse, phullem leh mamawh tur dang lei chu thui tak kalpui a ni tawh, Basketball Court panga Rs. 542.60 lakhs senga siam tur niin, Chawngte, Chawnhu, Diltlang, Paithar leh Mampuiah siam a ni ang. Volleyball Court 5 Rs. 164.06 lakhs senga siam tur a ni a, Chawnhu, Chawngte, Paithar, Diltlang leh Sihtlangpui ah te siam tum a ni a, work order issue tawh vek, sanction pawh awmsa, siam tan mai tur a ni, Chawngte Girls Hostel chu Rs. 282.80 lahks senga sak mek a ni, Community Service Centre at Bungtlang S chu Rs. 140.00 lakhs senga sak mek a ni a, 80% sak zawh tawh a ni, Community Service Centre at Chawngte chu Rs. 140.00 lakhs senga sak mek a ni a, Chawngte Astro Turf Football Ground chu Rs. 532.47 lakhs senga siam zawh tawh a ni a, inkhelh nan hman a ni tawh. Heng bakah hian Smart Class Rooms/IT Projects chu Rs. 187.70 lakhs sengin Smart calss room zawh tawh a ni a, IT Centre hi Diltlang leh Chawngte-ah sak tan tura work order pawh tihchhuah tawh a ni a, FIT MIZORAM/SEDP atan Rs. 20.30 lakhs leh Coaching Project atan 5.00 lakhs ruahman a ni bawk.

TATA Trust ten en tangkawpin Lawngtlai District-ah leh Siaha District-ah Football zirna kalpui mek a ni a, EM i/c SYS LADC in a hawng tawh. Kumin thal khaw nawm chhoh hunah 2nd LAI CUP buatsaih tum a nih thu a sawi bawk.

Khuallianin thu a sawi zawh hian ceremonial parade lawmman sem nghal a ni a. Havard Higher Academy (Boys & Girls) chu pakhatna niin, pahnihna Vista English School (Boys & Girls) leh pathumna Lairam Higher Academy of Science (LAHAS) te an ni a. Mizoram Police armed contingent leh Don Bosco School NCC contingent te chu special participation prize leh parade contingent dang 15 chu participation prize hlan ni bawkin, parade commander SI TC Zirsanga leh khuang vawtute leh judge-te pawh lawmman siamsak an ni bawk.

Kumin Independence Day lawmna pual hian Lawngtlai District Independence Day Celebration Committee chuan District Hospital Lawngtlai, Christian Hospital Lawngtlai, Lairam Christian Medical Centre & Hospital, Lairam Motherless Home, District Jail, Lairam Rescue Centre leh Gilead Drop-In Centre-ah te ṭanpuina ₹ 2,000/- ṭheuh an hlan a ni.

Ceremonial parade lawmman bakah hian Independence Day 2022 pual hian a hnuaia mi ang hian chawimawina leh lawmman hrang hrang sem a ni bawk a, Khuallian Pu Robert Romawia Royte chuan a dawngtute kutah a hlan hlawm a ni.

1. I Can Foundation, Jaipur's Humanitarian Excellence Award, 2021 dawngtu chawimawina:
Rev. V. Lalhmingsanga

2. Zirlai ti ṭha chawimawina:
1) Ruth C. Lalremsangi,
Lawngtlai College Veng,
BA (English) Topper
2) Cindy F. Lalhnehzuali,
South Lungpher,
BA (Public Administration) Top 2
3) C. Lalneihtluanga,
Sangau-III,
B.Sc (Geology) Top 6
4) K. Lalthansanga,
Lawngtlai New Vengpui,
B. Com Top 6
5) Lalrinmawii Khiangte,
Lawngtlai AOC Veng,
M.Sc (Chemistry) Top 6
6) T. Zothanpuii,
Lawngtlai AOC Veng,
MA (Education) Top 7
7) Tholehlalrindiki,
Sangau-IV Dinthar,
BA (Political Science) Top 8
8) H. Vanlalmuankimi,
Lawngtlai Bazar,
BSW Top 6
9) Lalrinngheti,
Lawngtlai Bazar,
BA (History) Top 8
10) Cindy Laltlanhlui,
Cheural,
ANM Top 7
11) Ellen Grace Chinzah,
Lawngtlai College Veng,
HSSLC (Hindi) Topper
12) Lalrinsangi,
Lawngtlai AOC Veng,
B. Tech Top 3
13) Hmingthantluangi Tlumang,
Lawngtlai College Veng,
M. Com Top 3
14) Ruth C. Lalchhanchhuahi,
Lawngtlai Chandmary,
M. Com Top 3

3. Church's Auxiliary for Social Action (CASA)-in COVID-19 vaccine pek a kalpuinaa puitu ti ṭha zualte:
1) YLA Bazar Branch
2) YLA Chandmary Branch
3) MC Lalhriatmawii
4) Mimi K. Lalbiakhlui
5) Rebek Lalnunpuii
6) C. Lalruatchhungi
7) Lalremliani

4. Independence Day 2022 Badminton Tournament lawmman ṭhenkhat:
1) Under 13 Boys Singles
Champion: Liansangpuia, EBC
Runner Up: V. Vanmalsawma, EBC
2) Under 15 Girls Singles
Champion: Isabel Zoremsangi, BBC
Runner Up: V. Laldinsangi, EBC
3) Under 17 Boys Singles
Champion: Immanuel Malsawmdawngzuala, Chawngte BC
Runner Up: Braven M. Lalramropuia, Chandmary BC
4) 55+ Veteran Men's Doubles
Champion: C. Hrangṭhianga CVBC & Lalnunthanga CHBC

Post a Comment

Powered by Blogger.