Rauthla, August 16, 2022 : Mizoram Police chu vawikhata ruihhlo tihralna lian ber vang leh nungcha tawlh ruk manna lian tham ber manna avang tein 'World Book of Records' Gold Edition pahnihah telh a ni.
Mizoram Police hian June 24, 2022 khan ruihhlo halral runpui an nei a, hetah hian ruiihlo kg 930.229, International Market rate-a Rs 23,62,09,40,245/- an halral a. Hei hi vawikhata ruihhlo tihralna lian ber a ni. Tin, hei bakah hian nungcha tawlh ruk manna lamah thawhhlawk hlein, hetih chhung hian nungcha tawlhruk 468 zet an man a, hei hi nungcha tawlh ruk manna lian tham ber a ni.
Mizoram Police chuan dan lova thil tawlhruk te, ruihhlo leh sualna an beih letna kawnga mipuite thawhpuina an dawn thin avangin lawmthu an sawi a. Heng dan lova chetna hrang hrangte hi an do zel dawn tih an sawi bawk.
Post a Comment