Lawngtlai, July 05, 2022 : Zanin khan YLA Council Veng Branch te chuan an Veng chhunga YLA member-teah inpumkhatna tha zawk a awm theih nana Section Sport an buatsaih, a thawhkhatna, zan khatna chu Rorelliana Futsal Ground, Lawngtlai Vengpuiah an nei.
Infiamna tan hma hian inkhawm tawi buatsaih a ni a, he hun hi Organisng Sub-Committee Lalropuia'n kaihruaiin, Vice Chairman Anthony Lalkhawngaihsang'n hunserh a hmang. Zanin hian YLA member kalkhawmte te hnenah Sport puala Jersey siam chu sem a ni a, Jersey hi 300 semchhuah a ni.
Zanin Section Sport thawhkhatna, zan khatnaah hian Section pathum atangin YLA member 257 an kalkhawm a, zaninah hian Futsal Match khelh niin, mipa kum 35 chunglam, mipa kum 25-35 inkar leh mipa kum 25 hnuai lam ten league-in an khel a, hmeichhia pawhin Futsal match hi an khel bawk. Futsal Match khelh zawh hian YLA Council Veng Branch Vice President T. Vanlalzaua'n tawngtainain hun a khar.
Section Sport hi Rorelliana Futsal Ground, Lawngtlai Vengpuiah naktuk dar 10:00am atangin chhunzawm leh a ni ang.
Post a Comment