Rauthla, July 6, 2022 : January 20-22, 2023 chhunga Australia-a Chin Christian Council in Australia ten inkhawmpui an neih turah Lawngtlai zaithiam F. Lalramhnaii leh Mercy Remsangmuani te sawm an ni.
Inkhawmpui hi Adelaide Chin Christian Church, Australia-ah neih a ni dawn a. He inkhawmpui hi Chin Christian Church in Australia te buatsaih niin, CCCA ah hian kohhran 21 awmin, member 8000 vel an awm.
Inkhawmpui neih hma December, 2022 hian Perth, Adelaide, Melbourne, Brisbane leh Coffs Harbour-a kohhran 21 ah Mission Awarness and Spiritual Awakening (MASA) proramme hman a ni dawn a, he hunah hian F. Lalramhnaii leh Mercy Remsangmuani te hian zaia rawngbawlna a nei ang.
F. Lalramhnaii leh Mercy Remsangmuani te hian he inkhawmpuiah hian tel ngei an tum tih an sawi a. VISA chungchangah harsatna a awm an rin loh thu an sawi bawk.
Hetih lai hian Lalbiakchhungi (Mabiaki) pawh Chin IDPs Relief Concert-ah zai tura sawm a ni a, he concert hi August 13, 2022 ah Australia-ah neih a ni ang.
Tn, Mercy Remsangmuani hi Chin Baptist Church, USA ten Indianapolis, USA a Relief Concert an neih turah main singer atan an sawm a. He concert hi kumin June 2022 a neih tura ruahmanna kha a ni a, chhan hrang hrang avangin a hun hi sawn a ni.
Post a Comment