Lawngtlai, July 04, 2022 : Zanin khan YLA Council Veng Branch chuan Section Sport 2022 an neihna tur a Section hrang hrangte hak tur Jersey tlangzarhna hun LADC Hall-ah an hmang.
He hun hi Pu K. Lalthantluanga, Branch Executive Committee Member chuan kaihruaiin, Section Sport Organising Sub-Committee Chairman Pu Laibikliana'n hunserh a hmang a, Organising Secretary Lalropuia hnen atangin report ngaihthlak a ni bawk.
Jersey tlangzarh hunah hian Pu Eden Lalrammawia, President YLA Council Veng Branch chuan thusawiin, Section Sport Organsing Committee te chungah lawmthu sawiin, kum 2022 chhunga inpumkhatna tih thupui hmanga Section Sport an buatsaihna tura hma an lakna chu fakawm a tih thu a sawi a. YLA History a la thleng ngailo Branch YLA member zawng zawngte daih tur Jersey a thlawn a sem tur buatsaih a ni chu lawmawm a tih thu leh YLA Branch tan thil chhinchhiah tlak tak a nih thu a sawi a. Branch YLA Member te inpumkhat tlat a, tlawmngaihna leh inlungrualna nen khawtlang a kal theih nan member kalkhawmte chu a fuih a ni.
Jersey sponsor-tute hi Pi Mc. Lalengi te chhungkua (Pu K. Tlanthanga hriatreng nan nan), Pu Lallura Chinzah te chhungkua (Pu L. Chinzah hriatreng nan), Pu Thanliana Zathang te chhungkua (Pu Z. Hengmang hriatreng nan) Pu Danny Zathang te chhungkua (Pu Ukmang Zathang hriatreng nan) te leh Pu Lianchungnuna te chhungkua (Pu Hmun Hre hriatreng nan) an ni.Tin, Pu Elvis Lalthangzuala te chhungkua leh Pi C. Lalsangzuali te chhungkuain sport item-a lawmman turte an sponsor bawk a ni.
YLA Council Veng Branch Section Sport hi chhawng thuma neih a ni dawn a, chhawng khatna hi July 5, 2022 zan leh July 6, 2022 (Chhun leh zan) ah Rorelliana Chinzah Futsal Ground, Lawngtlai Vengpuiah neih a ni ang a, a chhawng hnih na hi YLA day ah hman leh tur niin, a tawpna ber hi District dang leh State dang a zirna avang a awm te lo haw hun kum tawp lamah nei chhunzawm leh tura ruahman a ni.
YLA Council Veng Branch hi section pathum; Dokulha Section, Hausata Section leh Zochhuma Section-ah inthenin, YLA member zawng zawng hi 847 an ni.
Post a Comment