Lawngtlai, July 06, 2022 : College Veng Bialtu MDC Pu C. Hrangthianga'n vawiin khan a chenna inah a bial chhunga zirna kawnga hlawhtlinna changtu, Ruth C. Lalremsangi chawimawina leh lawmpuina hun a hmanpui.

Kumina Mizoram University hnuaia result tihchhuahah Ruth C. Lalremsangi D/o C. Lalsiammawia, Lawngtlai College Veng hi Bachelor of Arts (English) topper a ni.

College Veng MNF Unit President, Pu.F.Lalchhuanawma kaihhruai, Ruth C. Lalremsangi puala hun hmannah hian Pu C. Hrangthianga chuan, hlawhtlinna chang tur hian lehkha thiamthei tak nih mai hi a tawk lova, mi taima leh tumruh te hian hlawhtlinna an chang tam zawk a ni a ti a. Ruth C. Lalremsangi chu Pathian hriatna nena tumruh leh taima taka kal zel a, ram leh hnam tana chhenfakawm tak ni tura a duhsak thu kalkhawmte hmaah a sawi bawk.

Bialtu MDC Pu C. Hrangthianga te nupa chuan Bachelor of Arts (English) topper Ruth C. Lalremsangi hnenah hian Citation leh sumfai an hlan a ni.

Post a Comment

Powered by Blogger.