Lunglei, July 07, 2022 : Kum 2020 August thlaa hmeichhe naupang pahnih khawih chhiaa puh, C Lalhmangaiha, Pu C Vanlalliana (L) fapa, Farm Veng, Lunglei chu niminpiah khan Court in thiam loh a chantir a. Kum 20 chhung hreawm taka tang tur leh, Pawisa cheng 5000 chawi turin a hrem.
Pu C. Lalhmangaiha puhna, August ni 15, 2020 a FIR thehluh chu Court-in a ngaihtuah hnuah, Medical Report leh thil thlen danah khuang rual lo deuh awma alan avangin Pu Hmangaiha laka FIR thehluh hmasak ber chu tihtawp a ni a. Hetih lai Hian Medical Report leh kut tuartuten a hmaa thil thleng an sawi behchhanin Court chuan thubuai a ngaihtuah zui hnuah, thiam loh a chantir ta a ni.
Kum 2020 August ni 15 khan Pu C. Lalhmangaiha hian a motor-ah naupang phurin, hur sualna lam hawiin an chungah a che tih naupang ten an chhungte an hrilh avangin a lakah FIR thehluh a ni a. Naupang inpuanna ah hemi hma pawhin an chungah pawi a khawih tawh nia rin a ni bawk.
Post a Comment