Rauthla, July 07, 2022 : Mizoram Election Department chuan Bru mi leh sa Mizoram Electoral Roll-a chuang Tripura Transit Camp a cheng te zinga mi chu Mizoram vote nei chhinchhiahna atangin a paih mek a, tun dinhmunah Mizoram Electoral Roll atangin mi 1044 paih an ni tawh.
Mizoram Election Department sawi danin Bru mi leh sa Mizoram chhunga vote nei tuna Tripura Transit Camp-a cheng mek an paih te hi Mizoram chhunga District 3-a vote nei te anni a, Mamit District ah tam berin Hachhek, Dampa leh Mamit Constituency atangin vote nei 882 te chu paih anni a, Kolasib District in dawtin Tuirial, Serlui leh Kolasib Constituency atangin voter 152 paih niin Lunglei District ah Thorang, West Tuipui leh Lunglei South Contituency atangin Voter 10 paih anni ve bawk.“ Bru mi leh sa Tripura Transit Camp-a awm mek te chu tun dinhmunah Mizoram Roll atangin paih nghal vek theih anni lo an ti a, Tripura Roll-a ziah luh an nih dawnah chauh Mizoram Roll atangin paih dilna an siam thei a, Tripura Roll-a la inziak lut lo te chu paih mai theih anla nilo tih sawiin tun dinhmunah erawh inziak lut an awm zel a, a inziak lut te chu Mizoram Roll atangin anlo paih ve zel tih an sawi bawk.
Mizoram Election Department sawi danin Bru mi leh sa Mizoram chhunga vote nei te hi an vaiin sing 1 sang 1759 anni a, Mizoram District-3 Mamit, Kolasib leh Lunglei Disitrct a vote nei te an ni.
Post a Comment