Rauthla, July 07, 2022 : National Health Mission Employees Union Mizoram (NEUM) chuan sawrkara an thilphut hrang hrangte tun thlenga tihhlawhtlin sak an lo ni chu hriatthiam har an tih thu an sawi a. NEUM Executive Committee nimina thukhawm chuan ni thum chhung July 11, 12 leh 13, 2022 ah sorkar laka an lungawilohna lantir nan mass casual leave lak nise an ti.
NEUM chuan regular taka hlawh lak chungchangte, regularisation chungchangte, transfer TA chungchangte, medical re-imbursment chungchangte, leh Health Department hnuaia hna lak a nihna NHM contractual staff te tana hamthatna neihtir tura an ngenna te tun thlengin sorkarin a ngaihtuah sak lo tih an sawi.
Sokarin NHM contract staff-te hmakhua ngaihtuahnatu tur, August 2021 a a din, Study Group report leh hmalakna chungchang April 2022 a zawhfel tawh, tun thlenga engmah hriat tur la awm lo te leh an tihkhawtlai sak te, vawi tam tak sawrkar hotute leh Department hotute an dawr chung pawha ngaihsak tak tak an ni lo chu hriatthiam har an tih thu an sawi bawk.
NEUM chuan an hmalaknaah mipuite thlawpna an ngen bawk.
Post a Comment