Rauthla, July 13, 2022 : Nimin khan Lai Student’s Association. Gen Hqrs; Lawngtlai hruaitute chuan Edecation Minister Lalchhandama Ralte hmuin, DIET Lawngtlai leh GRHSS a zirtirtu indaihlo chungchang an sawipui.

LSA hruaitute chuan DIET Lawngtlaiah tun dinhmunah zirtirtu 8 chauh an awm thu sawiin, zirtirtu 2 pek belh turin Minister hi an ngen a. Hei bakah hian GRHSS Lawngtlaia Commerce, History leh Geography zirtirtu post ruak hnawhkhat turin an ngen bawk.

LSA hruairute chuan DIET Lawngtlaiah hian staff 18 awm tur an ni tih an sawi a. Zirtirtu leh staff thenkhatte chu damloh leh chhungkaw thil avangin hmunpui lamah attach thin an ni a, hei hi transfer-in a zui nghal zel a, an post hnawhklhah a ni ngai lo an ti a. Hei hi an buaina ber a nih thu an sawi bawk.

GRHSS Lawngtlaiah hian Commerce, History leh Geography zirtirtute hi pahnih theuh tur a ni a, tunah hian pakhat theuh an awm a,    History leh Geography zirtirtu pakhat ve ve boral ai hnawhkhah a la ni lova, Commerce zirtirtu pakhat Aizawla transfer ai pawh la hnawhkhah a la ni lo tih LSA hruaitute chuan an sawi bawk.

Education Minister Lalchhandama Ralte chuan, Mizoramah DIET lecturer an indaihloh thu a sawi a. Tun zirtawpniah hian DIET chungchangah meeting an neih tur thu leh LSA te ngenna hi ngaih pawimawh a nih tur thu a sawi a. Tun dinhmunah DIET Lecturer hi Mizoramah 113 an awm mek.

GRHSS Lawngtlaia Commerce, History leh Geography zirtirtu chungchangah Minister chuan zirtirtu awmdan te an lo zirchian phawt tur thu leh hemi chungchangah hian sawihona neih that leh a rawt a ni. 

Post a Comment

Powered by Blogger.