Lawngtlai, July 19, 2022 : Vawiin khan Lawngtlai District Coordination Committee on Har Ghar Jhanda chu an Chairman, Lawngtlai Bawrhsap Pu Amol Srivastava hovin Lawngtlai DC Conference Hall-ah á¹­hukhawmin, India ramin zalenna a hmuh kum 75-na lawmna, Azadi Ka Amrit Mahotsav (AKAM) peng khat atana Independence Day bawr chawlhkar khat chhunga India rama in tina Ram Puanzar (National Flag) zar a nih theih nana ruahmanna kalpui dan tur leh tihlawhtling tura hma lak dan tur sawiho a ni.

He hunah hian sawrkar laipui leh State aá¹­anga ruahmanna awm sa te ngaihthlak a ni a. Hemi zul zuia Lawngtlai District chhunga hma lak dan tur ruahmanna hrang hrang siam a ni.

AKAM hnuaia India ram zalenna kum 75-na lawmna kal mekah sawrkar laipui Ministry of Culture chuan "Har Ghar Jhanda" (In tinah Ram Puanzar) hma lakna kalpui a rel a. Har Ghar Jhanda scheme hnuaiah hian kumin India Independence Day bawr chawlhkar khat chhung, August 9 - 16, 2022 inkar hian India ram puma in tinah India Ram Puanzar zar a nih theih nan ruahmanna siam a ni a. Ram Puanzar hi Har Ghar Jhanda website - amritmahotsav.nic.in kal tlangin in tinin ₹ 20/- lekin an lei thei dawn a ni. 

Post a Comment

Powered by Blogger.