Rauthla, July 19, 2022 : Deputy Chief Minister Pu Tawnluia chuan Lammual chu Mizo mipui rilruah a lianin kan ngaihlu hle tih sawiin, Lammualah I League Match khelh a nih theihna turin Sawrkarin chei leh ruahman a tum tih a sawi.
Deputy Chief Minister Pu Tawnluia’n vawiin khan Lammualah LBS Suzuki All Mizoram Inter Village Football Tournament, Final Match kharna programme tawite chu hmanpuiin, Mizoram Sawrkarin thalaite tan infiamna hmun hma hrang hrang buatsaih kawngah theihtawp a chhuah mek a, covid hripui leng avang erawh duhthusam angin hma a lak theih lova, chuti chungin Chief Minister kaihhruaina hnuaia Sports & Youth Services kaltlangin a theih ang angin hma lak chhoh mek a ni, a ti. Aizawl khawpuia football khelhna tur field puitling 2 chauh kan neiin min dawl tawh lo tiin UD & PA Department hnuaia Smart City Project katlangin Aizawl khawpui chhunga khelmual 6 ah phullem phahna tur tender mek a nih thu a tarlang bawk.
Post a Comment