Rauthla, July 18, 2022 : NHM hnuaia hnathawkte chuan July ni 11 atanga Casual Leave la a, indefinite strike an neih chhunzawm hnuah Central YMA palaina ring tawkin vawiin atangin an nawrhna an titawp.
Hemi chungchanga an thuchhuaha tarlan anih danin nizan, July 17, 2022 dar 8:30 khan NEUM Executive Committee neih chuan NEUM leh Mizoram sorkar inkara palai hnathawktu Central YMA Office bearer thu ken NEUM te duh dan hrang hrang Study Group report chungchang, hlawh lak that chungchang, MESMA hlih chungchang leh Show Cause Notice hlih chungchang te chu sorkarin hma an lak nghal tur thu CYMA hruaitute hnenah an sawi a, hei hi thutlingah an ngai tih an sawi bawk. Hei vang hian vawiin, 18.7.22 Thawtannni zing dar 9:00 AM atangin strike an neih mek chu an call off ta tih an sawi a ni.
Post a Comment