Rauthla, July 08, 2022 : SEDP Board Lawngtlai District Member Pu Lalramliana Colney chuan vawiin khan SEDP Executive Board Chairman leh Dy. CM ni bawk Pu Tawnluia chu a office-ah lengin, SEDP chungchang a sawipui.
Pu Lalramliana Colney chuan SEDP sem chhuah theih hun tur zawtin, Dy. CM chuan kumin August thla hian a dawngtu turte account-ah SEDP pawisa hi a luh hman a beisei thu a sawi a. Vawiin vek khan SEDP Executive Board meeting an neih thu a sawi bawk.
Vawiina SEDP Executive Board meeting-in beneficiary list an enho chu Chief Minister hova Apex Board meeting neih turah enho turin an chhawpchhuak leh dawn a ni.
Post a Comment