Kolasib, June 13, 2022 : Food, Civil Supplies & Consumer Affairs Department Minister Pu K Lalrinliana, Kolasib Assembly Constituency bialtu MLA chuan Central Service-ah Mizo inziak tling an tlem chhoh thu sawiin, tun atangin tum chiang tak neih leh mumal tak a inbuatsaih a tul thu sawiin zirna kawng a ramin hma a sawn theihna tur chuan nu leh pa leh khawtlang mipuite pawh an pawimawh thu a sawi.
Supply Minister hian vawiina Mizo Zirlai Pawl Headquarters, Kolasib buatsaih, Kum 2021-22 Class 10 leh 12 zirlai titha chawimawina hun Parish Hall, Venglai, Kolasib-a neihah he thu hi a sawi a. Zirlai pass zawng zawngte a lawmpui thu sawiin sawrkar hna chauh a innghat lo turin leh ram hmasawnna tur leh mahni intundinna khawp thiamthil neih a pawimawh thu a sawi bawk.
Zirlai titha chawimawina hunah hian school sawm bik thenkhata zirlaite an tel a, pawl 10 distinction-a pass mi 14 bakah pawl 12 naupang, first division leh a chunglam a pass mi 116 te hnenah lawmpuina memento, pawisa fai leh Pu Lalhruaitluanga lehkhabu ziah 'Zirna Kailawn' pek vek an ni.
Post a Comment