Rauthla, June 13, 2022 : Rudy Lalhmingmuani S/o Joseph Lalbiaknunga (L), Chandmary Veng, Lawngtlai Boxer chuan Panchkula, Haryana-a Khelo India Youth Games neih mekah final lutin, vawiin hian Isha Gurjar, Rajasthan nen Gold Medal an inchuh dawn.
Rudy Lalhmingmuani hi Light Welterweight (60-63 kg) ah khelin, Khusi, Haryana chu pre-quarterfinal-ah a hneh a, inrinni khan quarterfinal-ah Komal Dhami, Uttarakhand mi chu a hneh bawk a, nimin khan semifinal-ah M Swetha, Tamil Nadu chu a hneh leh bawk. Vawiin dar 11:00am khan bout 1 khelh tan a ni a, Rudy Lalhmingmuani hi bout 7-naah a khel dawn.
Rudy Lalhmingmuani chuan 'ka khingpui hi hneh ngei turin ka theihtawp ka chhuah ang a, Gold Medal lo hawn ngei ka tum' tiin Rauthla a hrilh.
Rudy Lalhmingmuani hian kumin May thlaa North East India Boxing inelnaah Mizoram ai a awh a, a opponent Nagaland mi Sanju nen inhnek in uihawm takin a chak zo lo a, Bronze medal a la bawk.
Rudy Lalhmingmuani te hi SYS Boxing Coach Tc. Lalramchullova hnuaiah training a nei thin a, tunah hian SAI, Hostel, Mission Vengthlang, Aizawlah awm mekin, coach Ramachandra hnuaiah a training mek.
Post a Comment