Rauthla, June 20, 2022 : Naktuk, June 21, 2022 hian Guwahati, Assam-ah Junior U-17 National Football Championship (NFC) chu khelh tan a ni dawn a, Mizoram U-17 team pawhin vawiin khan Guwahati an pan. Mizoram team-ah hian Lawngtlai Bazar Veng tleirawl Zionthangi a tel.

Zionthangi hian football hi a tuichilh em em a, football pawh a khel hma hle. Bazar Veng tan khel tawhin, Lawngtlai District aiawhin Mizoram State Games-ah inlanin, Siaha ah pawh tournament a lo khel tawh a ni. Amah hi Centre-back ah a khel thin.

Mizoram team hi Pool B ah awmin, pool B ah hian Mizoram, Uttar Pradesh, Chhatisgarh leh Karnataka te an awm a, June 21, 2022 ah Mizoram hian Chhatisgarh an hmachhawn ang a, June 23, 2022 ah Karnataka an hmachhawn leh dawn a, June 25, 2022 ah Uttar Pradesh an hmachhawn leh ang. 

He tournament hi Indira Gandhi Athletic Stadium, Sai New Field-Paltan Bazer, Nehru Stadium, Lnipe- Sonapur leh Dimakuchi Stadium-ah te khelh a ni ang a. Team 34 awmin, group 8 ah then a ni. 

Post a Comment

Powered by Blogger.