Rauthla, June 20, 2022 : Nimin, June 19, 2022 dar 3:00pm vel khan Tawipui North-I leh Tawipui South inkarah lei tawlh/chim nasa tak a awm a. Hei hian motor kawng a hnawh ping/ block thui hle a. Lirthei eng chi mah a tlang thei lo.
Lei tawlh/chim hi nimin tlai atang khan a thenfai hna ABCI te chuan an thawk nghal a, vawiinah pawh chhunzawm a ni. Pu Jerry Lalawmpuia, President, Tawipui Group YMA chuan 'tunah hian Excavator pathumin a thenfai hna a thawk mek a, tunah hian motor te deuh chu a tlang thei tawh a, motor lian pawh a tlang har lovang' a ti a. Ko atanga lei lo tawlh thla zeuh zeuh thin chuan hnathawh a tih rei phah niin a sawi bawk.
Post a Comment