Lawngtlai, June 14, 2022 : Association for Voluntary Blood Donation (AVBD), Lawngtlai leh Blood Bank, District Hospital Lawngtlai te á¹­ang kawp buatsaihin vawiin khan LADC Hall-ah "World Blood Donor Day" hman niin, a thlawna thisen pek runpui buatsaih a ni.

He huna khuallian LADC-a Executive Member i/c PHED, etc. Pu HC Lalthawmliana chuan a thlawna thisen pek chu thian chhan thih ngam hnam intite tana thih kher ngai lova mi dang nun chhan theihna a ni tih sawiin, Mihring ten mi hnena thilpek kan pek theih hlu ber chu thisen pek hi a ni tiin, thisen pek chu a hlauhawm loh thu sawi bawk.

AVBD President Pu Elvis Lalthangzuala chuan, thisen pek pawimawhna leh mi dangte pek tlak thisen thianghlim nei tura mahni invawn thianghlim leh hriselna ngaih pawimawh a á¹­ul thu a sawi bawk.

He hunah hian kum tina calendar fel tak siama an hnuaia bial leh unit-te thisen pek hun ruahman ṭhin kohhran ṭhalai pawl pahnih - Lawngtlai Area Ṭhalai Kristian Pawl Coordination Committee leh Lairam Isua Krista Baptist Kohhran Central Ṭhalai Pawl te hnenah chawimawina thuziak hlan a ni a. Nikum June ni 14 leh kumin June ni 14 inkara pawl leh kohhran anga thisen petute - YLA, M. Kawnpui Branch; Salvation Army Youth, CO Bial; KṬP, Lawngtlai Pastor Bial; PYD (Mizoram), Lawngtlai Bial; PYD (UPC NEI), Lawngtlai District; Adventist Youth Federation, Lawngtlai Branch; NSS Unit, Govt Lawngtlai College leh NSS Unit, GRHSS te hnenah chawimawina thuziak hlan a ni bawk.

Vawiina thisen pek runpui buatsaihah hian ANM School Lawngtlaiah ten thisen an pe a, mi 24-in thisen unit 24 an pe a. Thisen petute hi hmeichhia 11 leh mipa 13 an ni.

Kum 2021-2022 chhung khan Lawngtlai Blood Bank chuan thisen unit 1,103 lain, chu'ng zinga unit 936 (84.8%) chu mimal tih bik awm lova a mamawh apiangin an hman atana pek (voluntary) niin, unit 167 (15.2%) chu mimal tan bika pek (replacement) a ni a. Nikum chhung vek khan Blood Bank aá¹­ang hian thisen hi damlo mamawhte tan District Hospital Lawngtlaiah unit 407 (45.8%), Lairam Christian Medical Centre & Hospital-ah unit 431 (48.7%) leh Christian Hospital Lawngtlaiah unit 49 (5.5%) pek chhuah a ni.

Vawiin World Blood Donor Day puala Aizawla hun buatsaihah AVBD chuan mi dang nun chhan nana vawi 50 thisen pe tling tawhte hnenah chawimawina a hlan a. Lawngtlai District aá¹­angin mi pathum - HC Vanlalruatpuia, Lawngtlai Bazar, Lalramdinsanga, New Vengpui, Lawngtlai leh R. Lalramfela, Lawngtlai Bazar te chuan he chawimawina hi an dawng a ni. Pu HC Vanlalruatpuia hian a vawi khat nan kum 1994 kha thisen a pe a, Pu R. Lalramfela hian kum 2002 khan a vawi khat nen thisen a pe a, Pu Lalramdinsanga hian kum 2007 khan a vawi khat nan thisen a pe bawk.

Post a Comment

Powered by Blogger.