Rauthla, June 16, 2022 : ZPM Thalai chuan MNF sorkar chu sum enkawl chungchângah Congress sawrkâr ang chiah khan an hlawhchham a ni an ti a. Asian Development Bank atanga Mizoram sawrkârin Mizoram State Health Care Scheme sum indaih lohna phuhrûkna tura loan cheng nuai 1,000/- puk a tum chu Chief Minister Pu Zoramthanga opposition-ah a awm laia NLUP chungchânga congress sawrkâr a kahna, 'Bang chhak lam sahthlâk a, bang thlang  lama bel ang', a tih nen khan thuhmun rengah kan ngai an ti.

Chief Minister-in Assembly House chhûngah meuh dam lo apiângin an hman tur cheng nuai 2 thlenga dahsa a nih thu a sawi a sawi a, hemi hnuah health care sum ba tâng cheng vaibelchhe 70 chuâng a awm  leh cheng tam tak pûk ngaia an awm chu mak an tih thu an sawi a. 'Damlo apiangin an hman tur atana ruahman sa cheng nuai 2 ṭheuh kha kan Chief Minister zahawm tak hian bang chhak lam sahthlâk a, bang thlang lam belna atân a hmang ta mai em ni? tih hi kan zawhna a ni' tiin ZPM Thalai chuan vawiin khan thuchhuah an siam.   

Post a Comment

Powered by Blogger.