Lawngtlai, June 14, 2022 : National Students' Union of India (Mz) Lawngtlai District chuan LADC Education & Human Resources Department (PS) hnuaia Primary School Teacher exam-ah a mawi lo zawnga thuthang a awm thu leh thil awmdan an zir chian hnuah thil fel lo tak a awm ngei tih an hmuchhuak tih vawiina an thuchhuuahah an tarlang.
NSUI (Mz) Lawngtlai District chuan Exam beitute zingah phone keng lut a, phone nen tangkawp a exam te an awm tih hriat a nih thu an sawi a, question paper leaked out nia an sawite, invigilator ten a thil dik leh langtlang tak a exam an veng dawn emaw tih lai a, exam beitute an lo pui leh zel te chu a zahthlak in a mualpho thlak takzet a ni tih an sawi.
LADC Education department in a vawi khatna tura competitive exam a buatsaihah hetiang khawpa zahthlak leh sawizui hlawh khawpa exam conduct a ni chu rintlakah an ngaih lo thu an sawi a, Primary School Teacher exam bikah phei chuan sawi a tam hle a, hei vang hian LADC Executive-in kaltlang pui lo se an duh thu an sawi bawk.
NSUI (Mz) Lawngtlai District chuan LADC Education department (PS) hnuaia exam conduct chu cancel tur leh thil fel lo chhuichiang tura Enquiry Committee din a, exam pawh buatsaih tha leh turin LADC a EM, Primary changtu Pu L. Daniala leh CEM Pu V. Zirsanga te an phut thu an sawi a, thil dik lo titute chhuichhuaka hrem ngei turin an phut bawk.
Post a Comment