Lawngtlai. June 24, 2022 : Nimin khan Juvenile Justice Board Inspection team te chuan District Jail Lawngtlai an tlawh a, kum 18 hnuai lam tang an awm lo tih an finfiah.
Pu HC Hratliana, Superintendent, District Jail Lawngtlai kaihhruaina hnuaiah District Jail Inspection Team te leh Jail tang mek ten inkawmna hun tha tak neih a ni a. He hunah hian Jail in harsatna chi hrang hrang an tawh te, thawktute indaihloh avanga harsatna awm thei te leh hmalak theihna tur awm te an sawiho.
Pi Laldinmawii, Member, JJB chuan District Jail-in harsatna a tawh mekte bakah Jail tang awm mek (inmates) te mamawh leh țanpuina awm thei ang angte an dap pui tur thu a sawi a. Dr David V Khiangte, Member, JJB chuan POCSO Case chungchang mai bakah tunlai khawvelah nun fimkhurpui a țulzia thu leh Jail a awm mekte chu mahni nun insiamțhat nana hun hmang turin a duhsak thu bakah fuihna thu țha tak a sawi bawk. He hunah hian tang mekte pawhin an harsatna leh puih an ngaihna chi hrang hrangte sawiin, inkawmhona hun hlimawm leh tha tak an hmang a ni.
Tun dinhmunah District Jail Lawngtlai ah hian tang mi 23 an awm mek a ni.
Post a Comment