Lawngtlai, June 24, 2022 : Nimin khan District Level Inspection Committee, Lawngtlai  ten Lairam Motherless Home, Lairam Child Adoption Centre leh Observation Home, New Vengpui a awm te chu tlawhin an inrelbawl dan a fel tawk em tih an endik.

Lairam Motherless Home hi Lairam Social Mission te enkawlna hnuaia awm an ni a. Tunah hian naupang sawm (10) an enkawl mek a. Tin, Adoption Centre ah hian naupang pahnih enkawl lai an awm mek bawk a ni. Adoption Centre a naupang an enkawl theih chin hi Kum 6 hnuaia lam te an ni tlangpui a. Chung naupang an enkawl te chu dan an thlap in midangin enkawl turin an la thin a ni.

Tunah hian Observation Home, New Vengpui ah hian enkawl lai an nei lova. He hmun ah hian naupang kumtling lo pawikhawih thin te enkawlna hmun a ni a. Siaha leh Lunglei ah hmeichhe naupang an enkawl theih loh avangin Lawngtlaiah hian an rawn dah thin a ni.

Heng home hrang hrangte hi  Dr. Lalhruaitluangi Chhangte, DPO (District Programme Officer) Social Welfare Department, Lunglei leh Lawngtlai changtu, Pi Mary Lalremruati, District Child Protection Officer leh Pu Elvis Lalthangzuala, Lawngtlai District MJA Vice President ten tlawhin endik hna hi an thawk a ni. 

Post a Comment

Powered by Blogger.