Aizawl, June 14, 2022 : St. Paul's Higher Secondary School-in HSLC leh HSSLC exam a an zirlai tithate award an pek thin Paulians' Proficiency Award 2022 semna hun vawiin khan an hmang a, he hun hi Chief Minister Pu Zoramthanga chuan a hmanpui.
Chief Minister chuan zirlai hlawhtlinna changte chu a lawmpui thu sawiin, an hlawhtlinna chan chu a bultanna a ni tih hria in, hlawhtlinna tam zawk an chan belh zel theih nan tumruhna leh taimakna nen bei zui zel turin a chah a. Zirlaite bakah an zirtirtute leh an nu leh pate chu result tha tak tak an chan chhan nia a hriat thu a sawi a. Thalaite tan thlemna hrang hrang, a bik takin ruihtheihthil lama thlemna laka fihlim tura chah in, hlawhtlinna kawngah harsatna hrang hrang a awm thin tih hre chungin tumruhna nen a paltlang theih thu a sawi.
Brother PK James, Principal chuan kalkhawmte lawmna thu sawiin, Paulians' Proficiency Award hi kumtin buatsaih thin ni mahse, hripui leng avangin kum hnih chhung chu sem theih a nih loh avanga vawiin hian kum 2021-2022 batch te bakah 2019-2020 leh 2020-2021 batch te hnenah lawmman hi hlan a nih tel thu a sawi a ni.
Post a Comment