Lawngtlai, June 23, 2022 : June ni 7, 2022 a Shillong leh Aizawla sawrkar thil pawimawh buaipuia zin Pu V. Zirsanga CEM LADC chuan nimin khan Lawngtlai a lo thleng.
Pu V. Zirsanga CEM LADC chuan a zin chhungin Pu Zoramthanga Chief Minister, Pu Lalchhandama Ralte Minister, Pu TJ Lalnuntluanga Minister, Pu Robert Romawia Royte Minister, Pu L. Thangmawia MLA te a hmu tih a sawi a, Shillong-a Lai Hostel, mi 35 awm theihna tur hawn anih thu te a sawi bawk.
Pu V. Zirsanga chuan, Party dang boruak/thawm a reh hle tih sawiin, MNF party boruak erawh tun dinhmun enin a hlimawm hle a ni, a ti a. Lalramliana Colney tih leh MNF party chu inzawm tlat a nih thu a sawi a, a hnen atanga thurawn lak tam a finthlak tur thu te a sawi a, hruaitu thar te a lawmpui tih sawiin, ‘party ah hian beiseina sang tak kan nei a, inhnunga kal turin keini hi chu kan awm ve mai a ni’ a ti.
Post a Comment