Siaha, May 9, 2022 : Mara Autonomous District Council (MADC) inthlanna, Ningani a vote tlate chu vawiin chawhma dar 10 atanga chhiar tan a ni dawn.
Ningani-a vote thlakah khan MADC a vote nei zawng zawng 42,342 zinga mi 36,119 te’n vote an thlak a, vote thlaktu zinga 18,520 hi hmeichhia an ni a. Vote nei zinga za zela 85 point 30 in vote an thlak a ni bawk.
Vote chhiar hi hmun hnihah ruahman a ni a, vote chhiarna dawhkan 10-ah chhiar a ni ang. Vote chhiar zawhna bial apiangah result puan nghal zel a ni dawn a ni.
Bial 25 awmna MADC inthlanah khan canidate 86 an awm a. MNF leh he council a rorellai BJP in bial 25 an chuh kim a. Congress-in bial 23 chuhin bial 2-ah independent candidate an thlawp a. ZPM-in bial 8 an chuh a, independent candidate 5 an awm bawk.
Post a Comment